Microsoft kompaniýasy Windows Insider barlag synagyna gatnaşyjylar üçin Photos programmasyna möhüm täzelenme berdi. 2023.11110.8002.0 belgili apdeýt birnäçe täze aýratynlyklary we üýtgeşmeleri getirýär.
Iň möhüm täzelik — şekiliň fonuny aýyrmak we çalyşmak ukybydyr. Ondan öň şuňa meňzeş funksiýa Microsoft Paint programmasynda peýda bolupdy.
Mundan başga-da, programma ulanyjy interfeýsinde käbir üýtgeşmelerini başdan geçirdi. Mysal üçin, ozal ulaltmak we doly ekran opsiýalary ekranyň ýokarsynda ýerleşýärdi. Indi sag aşaky burça geçirildi. Kontekst menýusy we käbir beýleki elementler hem kämilleşdirildi.
“Fotosuratlar” programmasyndaky täze täzelenme ýakyn hepdelerde ähli ulanyjylar üçin elýeterli bolmaly.
