2023-nji ýylyň 6-njy dekabrynda Myrat Garryýew adyndaky Türkmenistanyň Döwlet lukmançylyk uniwersiteti Türkmenistanyň we daşary ýurtlaryň ýokary okuw mekdepleriniň talyplarynyň arasynda biologiýa boýunça 2-nji Halkara internet olimpiadasyny geçirer.
Ýokary okuw mekdebiniň saýtynda habar berlişi ýaly, halkara olimpiadasynyň geçirilmegi dürli ýurtlaryň ýokary okuw mekdepleriniň mugallymlarynyň we talyplarynyň arasyndaky dostlukly gatnaşyklary berkitmäge, şeýle hem häzirki zaman ylmynyň nazary we amaly soraglary boýunça özara pikir alyşmaklaryna ýardam berer.
Biologiýa boýunça geçiriljek Halkara internet olimpiadasyna degişli goşmaça maglumatlar we bildirişler uniwersitetiň resmi saýtynyň «Olimpiada-2023» bölüminde ýerleşdiriler.
Olimpiada gatnaşyjylary hasaba almak 2023-nji ýylyň 30-njy noýabrynda sagat 18:00-a çenli amala aşyrylar.
Habarlaşmak üçin:
Telefon:
+993-12-48-99-32;
+993-63-58-51-11;
Elektron salgy: tdlu.olimp23@gmail.com
