Geçen oktýabr aýy ortaça 15,30 dereje Selsiýa bilen dünýäde howa gözegçilikleriniň taryhynda iň maýyl aý boldy. Bu barada Copernicus Ýewropanyň howanyň üýtgemegi baradaky gullugy habar berdi.
“2023-nji ýylyň oktýabr aýy howa gözegçilikleriniň taryhynda dünýäde iň maýyl aý boldy: atmosferanyň aşaky gatlaklarynda howanyň ortaça temperaturasy 15,30 dereje boldy, bu 1991-nji ýyldan 2020-nji ýyla çenli döwürde oktýabr aýlaryndaky ortaça temperaturadan 0,85 dereje ýokarydyr we 2019-njy ýylyň öňki iň maýyl oktýabr aýyndan 0,40 dereje ýokarydyr " - diýip, hyzmatyň web sahypasynda çap edilen beýanda aýdylýar.
Meteorologlar, aýyň umuman senagatdan öňki 1850-1900-nji ýyllar aralygyndaky oktýabr aýynyň ortaça temperaturasyndan 1,7 dereje maýyl bolandygyny aýdýarlar. Deňziň üstündäki temperatura hem oktýabr aýy üçin rekord derejä - 20,79 gradusa ýetdi.
Copernicus-yň direktorynyň orunbasary Samanta Berjessiň sözlerine görä, oktýabr 2023-nji ýylda rekord goýan aýlaryň dördünjisi boldy. "2023-nji ýylyň iň yssy ýyl boljakdygyny we häzirki wagtda senagatdan onuň öňki temperaturadan ortaça 1,43 dereje ýokary boljakdygyny ynamly aýdyp bileris" – diýip, ol sözüniň üstüni ýetirdi.
