Tokio uniwersitetiniň ýanyndaky Ýertitremeleri öwreniş institutynyň hünärmenleri suwasty wulkanyň atylmagy netijesinde diametri, takmynan, 100 metre barabar bolan täze adanyň emele gelendigini habar berdiler.
Tokio uniwersitetiniň ýanyndaky Ýertitremeleri öwreniş institutynyň hünärmenleriniň berýän maglumatlaryna görä, Io adasynyň (Iwodzima ady bilen hem tanalýar) sebitinde suwasty wulkan atyldy.
30-njy oktýabrda gyzdyrylan magmanyň suw bilen gatnaşyga girýän birnäçe freatiki partlamalaryň suratlaryny düşürmek başartdy. Institutyň habaryna görä, emele gelen daş bölekleri 50 metre çenli beýiklige çykypdyr.
Partlamanyň bolan ýeriniň ýakynynda diametri, takmynan, 100 metre barabar täze ada tapyldy. Hünärmenleriň pikirine görä, wulkan ýene-de atylan ýagdaýynda ol hasam ulalar.
