Türkmenistan Daşkentde geçirilen YHG-niň ministrler duşuşygynda ulag mümkinçiliklerini görkezdi

  • 03.11.2023 21:47
  • 3.6k+

Türkmenistanyň Ministrler Kabinetiniň ýanyndaky Ulag we aragatnaşyk agentliginiň wekiliýeti Daşkentde geçirilen Ykdysady Hyzmatdaşlyk Guramasynyň gatnaşyjy döwletleriniň ulag boýunça 12-nji ministrler duşuşygyna gatnaşdy. Bu barada Orient habar berýär.

Duşuşykda söwda we ulag aragatnaşygy pudagynda hyzmatdaşlygy giňeltmek, sebitde bar bolan ulag geçelgelerini ösdürmek we täze ulag geçelgelerini döretmek, olary netijeli ulanmak we bu ugurda halkara hyzmatdaşlygy berkitmek meseleleri ara alnyp maslahatlaşyldy.
Türkmenistan hem ulag pudagynda netijeli hyzmatdaşlygy goldaýar. Şonuň esasynda milli ulag infrastrukturasy işjeň ýagdaýda ösdürilýär, awtomobil we demir ýollarynyň gurluşygyna, Hazar deňzinde port hojalygyna uly maýa goýumlar gönükdirilýär, bu hem Türkmenistanyň halkara logistikasynda we ýükleri daşamakda roluny güýçlendirmäge mümkinçilik berýär.
Duşuşykda Türkmenistanyň Ulag we aragatnaşyk agentliginiň baş müdiriniň orunbasary Batyr Annaýew ýurdumyzyň özboluşly geografiki ornunyň bolup, Gündogar bilen Günbatary, Demirgazyk bilen Günortany birleşdirýän halkara ulag geçelgelerinde möhüm halkadygyny belledi.
Ministrler duşuşygynda Türkmenistanyň YHG-niň çäklerinde beýleki ýurtlar bilen mundan beýläk-de hyzmatdaşlyk etmäge taýýardygy we ulag pudagynda halkara gatnaşyklaryny berkitmek üçin ägirt uly mümkinçilikleri görýändigi bellenildi.


şu gün 16:22
1.3k+

Merkezi Aziýa döwletleriniň ilçileri Türkmenistanyň Yslamabatdaky ilçihanasynda teglek stol geçirdiler

26-njy awgustda Türkmenistanyň Pakistan Yslam Respublikasyndaky (Yslamabat şäheri) ilçihanasynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň netijelerine bagyşlanan tegelek stol maslahaty geçirildi...

şu gün 16:18
1.1k+

Türkmenistanyň ilçisiniň Irlandiýa iş saparyny amala aşyrdy

25-nji awgustda Türkmenistanyň Irlandiýadaky ilçisi Ýa.Serýaýew (oturýan ýeri London ş.) Dublin şäherine iş saparyny amala aşyrdy. Bu barada Türkmenistanyň DIM-niň saýtynda habar berilýär. Saparyň dowamynda ilçi Irlandiýanyň Daşary işler we söwda ministrliginiň Protokol bölüminiň başlygynyň orunbasary Ralf Wiktor bilen duşuşdy we ynanç hatynyň nusgalaryny gowşurdy...

şu gün 15:41
2.8k+

Moskwada Raşid Meredowyň we Sergeý Lawrowyň duşuşygy geçirildi

28-nji awgustda Moskwada Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda duşuşyk geçirildi. Daşary syýasat edaralarynyň ýolbaşçylary çuňňur strategik hyzmatdaşlygyň ýörelgelerine esaslanýan döwletara dialogyň netijeli häsiýetini kanagatlanma bilen bellediler...

düýn 17:40
9.3k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...