Şu gün, 3-nji noýabrda Balkan welaýatyna iş saparynyň çäklerinde Prezident Serdar Berdimuhamedow Türkmenbaşydaky nebiti gaýtadan işleýän zawodlar toplumynda täze gaz turbinaly energiýa bloklarynyň işine badalga berdi.
Irden döwlet Baştutany Türkmenbaşy etrabynda guruljak kuwwatlylygy 1574 megawatta deň bolan utgaşykly dolanyşykda işlejek elektrik stansiýasynyň düýbüniň tutulýan ýerine bardy. Şol ýerden sanly ulgam arkaly göni aragatnaşykda döwlet Baştutany Türkmenbaşydaky nebiti gaýtadan işleýän zawodlar toplumynda iki sany täze gaz turbinaly energiýa bloklarynyň işine hem-de hereket edýän elektrik stansiýasynyň döwrebaplaşdyrylmagyna badalga berdi.
