Öň TmCars Hristofor Kolumbyň Täze dünýäni açandygy baradaky hatynyň Christie’s auksion öýi tarapyndan satuwa çykarylandygyny habar beripdi. Kolleksionerleri gyzyklandyrmazdan ozal, bu resminama ençeme wagtlap Şweýsariýanyň hususy kitaphanasynda saklandy.
Häzir Kolumbyň Atlantikanyň üsti bilen ilkinji syýahatyny beýan edýän şol haty auksionda 3,9 mln dollara satyldy, bu bolsa onuň başlangyç bahasyndan iki esse ýokarydyr.
1943-nji ýylda Kolumb tarapyndan onuň syýahatyny gurnan Ispaniýanyň patyşasy Ferdinand II we şa aýaly Izabella I üçin ýazylan hat latyn diline terjime edilip, tutuş Ýewropada ýaýradyldy. Bu resminama uly gyzyklanma döredip, adamlaryň dünýä baradaky garaýyşlaryny üýtgeden köpçülikleýin habarlaryň ilkinji nusgalarynyň biri boldy.
Hatda Hristofor Kolumb öwünjeň stili ulanyp, köp ilatly adalary açandygyny we olary Ispaniýanyň patyşasy üçin basyp alandygyny beýan edipdir. Şeýle-de, ol ýalňyşlyk bilen “Hindistanyň adalary” hasaplan ýerleri baradaky täsirlerini hem belläpdir.
