Gazagystanda Hazar deňziniň ylmy-barlag instituty dörediler

  • 30.10.2023 16:10
  • 12k+

Gazagystanda Hazar deňziniň daşky gurşaw meselelerini öwrenmek üçin ylmy-barlag instituty dörediler diýip,  Respublikanyň Suw serişdeleri we suwaryş ministrliginiň metbugat gullugy habar berdi. Ministrlik eýýäm gözleg institutyny döretmek baradaky  kararyň taslamasyny taýýarlady.

Suw gorlary we suwaryş ministri Nuržan Nuržigitow: "Institutyň döredilmegi meseläni öwrenmäge toplumlaýyn çemeleşmäge we uly göwrümli meseleleri çözmäge mümkinçilik berer" -diýdi.
Hazar deňziniň gözleg instituty Hazar deňziniň daşky gurşaw meselelerini, suwuň derejesiniň peselmegini, düwlenleriň we balyklaryň köpçülikleýin ölmeginiň sebäplerini, Hazaryň düwleniniň, ihtiofaunanyň, Hazar sebitini we kenar ýakasyny gorap saklamak meselelerini öwrener. Ýene bir ugry, beýleki hazarýaka döwletlerinde işleýän kärdeşleri bilen ýakyn aragatnaşyk saklamak bolar.
Mundan başga-da, institut Hazar deňziniň ekoulgamynyň ähli ugurlary barada obýektiw we garaşsyz maglumat berer. Alnan maglumatlar döwlet we ýerli ýerine ýetiriji guramalar tarapyndan giň gerimli çäreleri kabul etmäge esas bolup hyzmat eder. Ylmy guramanyň döredilmegi Hazar deňzini goramak boýunça halkara we milli borçnamalary doly ýerine ýetirmäge mümkinçilik berer.


şu gün 14:32
3.6k+

Plastik galyndylardan parasetamol öndürmegiň usuly tapyldy

Edinburg uniwersitetinden professor Stiwen Uollesiň ýolbaşçylygyndaky alymlar topary plastik galyndylarynyň derman öndürmek üçin ulanylyp bilinjekdigini kesgitlediler. Bu barada Nature žurnalyndaky barlaga salgylanýan The Guardian ýazýar...

24.06.2025 13:34
2.3k+

Awstraliýaly kebeleklerde ugruny ýyldyzlara görä kesgitlemek ukyby ýüze çykaryldy

Awstraliýaly bogong kebelekleri ( Agrotis infusa ) ýyldyzlardan we Ýeriň magnit meýdanyndan ugur alyp, müň kilometre çenli aralygy geçmäge ukyply. Bu Awstraliýanyň Milli uniwersitetiniň, Günorta Awstraliýa uniwersitetiniň we beýleki barlag merkezleriniň hünärmenleriniň gelen netijesidir...

24.06.2025 13:32
2.4k+

Aýnadan çap etmek üçin ilkinji 3D printeri döredildi

Massaçusets Tehnologiýa institutynyň Linkoln barlaghanasynyň barlagçylary aýna zatlary öndürmäge ukyply ilkinji 3D printeri çykardylar. Şu wagta çenli additiw önümçilik şokolad we plastmassa ýaly dürli materiallary öz içine alypdy, ýöne organiki däl aýna bu tehnologiýanyň çäginden daşarda galyp gelýärdi...

24.06.2025 12:40
6k+

Britaniýaly alymlar robotlaryň kömegi bilen Arktikany gaýtadan doňdurmak isleýär

Britaniýanyň ARIA hökümet agentligi suwasty robotlaryň kömegi bilen Arktikanyň buz örtüginiň galyňlygyny saklamak we artdyrmak mümkinçiliklerini öwrenmek üçin 10 mln funt sterling (takmynan, $13,4 mln) bölüp berdi diýip, The Times habar berýär...