Serdar Berdimuhamedow Mustafa Kemal Atatürküň Ankaradaky aramgähine baryp gördi

  • 26.10.2023 13:45
  • 10k+

Şu gün, 26-njy oktýabrda Prezident Serdar Berdimuhamedow Türkiýe Respublikasyna amala aşyrýan ilkinji resmi saparyny bu dostlukly döwletiň düýbüni tutujy we ilkinji Prezidenti Mustafa Kemal Atatürküň Ankarada ýerleşýän aramgähine gül goýmakdan başlady. Bu barada «Türkmenistan» gazetiniň elektron neşiri habar berdi.

Irden ýadygärlik toplumyna gelende, belent mertebeli türkmen myhmanyny Türkiýäniň resmi adamlary garşyladylar. Şeýle-de bu ýerde ýurdumyzyň wekiliýetiniň agzalary ýygnandylar.
Türkmenistanyň Prezidenti Atatürküň guburynyň öňündäki ýörite bellenen ýerde gül desselerini goýmak bilen, doganlyk türk halkynyň liderini hatyralady. Soňra döwlet Baştutany toplumyň Misak-i milli (Milli ylalaşyk) binasyna baryp, Hormatly myhmanlar kitabynda ýadygärlik ýazgy galdyrdy.
Ýeri gelende bellesek, «Anytkabir» — sözme-söz terjime edilende «ýadygärlik mazary» diýmegi aňladýan taryhy arhitektura ýadygärligi Türkiýe Respublikasynyň düýbüni tutujy Mustafa Kemal Atatürküň hormatyna bina edilendir. Onuň gurluşygyna ömrüni türk halkynyň abadan durmuşynyň bähbidine bagyşlan Atatürk aradan çykandan alty ýyldan soň — 1944-nji ýylda başlandy. 1953-njy ýylda gurluşygy tamamlanan bu toplum ýerli ýaşaýjylaryň, şol sanda syýahatçylaryň hem gelim-gidimli ýerleriniň birine öwrüldi. Aramgähi, muzeýdir seýilgähi we beýleki desgalary öz içine alýan toplumyň umumy meýdany 750 müň inedördül metre barabar bolup, onuň gurluşygynda seljuk hem-de osmanly ýörelgeleri özara sazlaşygy emele getirýär.
«Anytkabiriň» altyn mozaika bilen örtülen piramida görnüşli gümmezli däp bolan sekizburçluk şekilinde bina edilen Hormat zalynda ilkinji Prezident Mustafa Kemal Atatürküň gubury ýerleşýär. Muzeýde onuň bilen bagly ýadygärlik zatlar, şahsy goşlary saklanýan bolsa, arhitektura desgasynyň içinde simmetrik usulda bina edilen 10 sany diň Atatürküň Türkiýe Respublikasynyň ösüşine güýçli täsirini ýetiren iň möhüm ideýalaryny alamatlandyrýar.


düýn 11:36
1.5k+

Türkmenistanda maliýe we ykdysady adalgalaryň düşündirişli sözlügi çap edildi

Türkmenistanda “Maliýe we ykdysady ulgamda ulanylýan adalgalaryň düşündirişli sözlügi” atly okuw gollanmasy çap edildi. Gollanmany Mary welaýat maliýe-ykdysady orta hünär okuw mekdebiniň mugallymy L. Saryýewa taýýarlady...

düýn 11:08
2.3k+

Türkmenistan Samarkantda geçirilen ÝUNESKO-nyň maslahatynda ileri tutýan ugurlaryny hödürledi

ÝUNESKO-nyň Baş Konferensiýasy köp wagtdan bäri ilkinji gezek guramanyň ştab-kwartirasyndan daşynda geçirilýär — 43-nji gezek geçirilýän bu forumy Özbegistanyň Samarkant şäheri kabul etdi. 29-njy oktýabrda konferensiýanyň çäginde ÝUNESKO agza döwletleriniň milli komissiýalarynyň 12-nji sebitara maslahaty geçirildi...

düýn 10:59
1.6k+

Türkmenistan we GIZ ekologiýa maksatnamalary boýunça täze ylalaşyklara gol çekdiler

Aşgabatda Germaniýanyň Halkara hyzmatdaşlyk boýunça jemgyýetiniň (GIZ) iki sany sebit maksatnamasy boýunça özara düşünişmek hakynda Ähtnama gol çekmek dabarasy boldy. Bu resminamalara Türkmenistanyň daşky gurşawy goramak ministri Çarygeldi Babanyýazow hem-de GIZ-iň ýurdumyzdaky çäreleriniň utgaşdyryjysy bolup çykyş edýän Ýoahim Fris gol çekdiler...

29.10.2025 17:53
3.2k+

Türkmenistanyň wekiliýeti Ženewada BSG-niň forumyna gatnaşdy

Türkmenistanyň maliýe we ykdysadyýet ministriniň orunbasary B.Ýalakowyň ýolbaşçylygyndaky wekiliýet Bütindünýä Söwda Guramasy bilen Aziýa ösüş bankynyň (AÖB) bilelikde guran «CAREC sebiti we köptaraplaýyn söwda ulgamy: Merkezi Aziýada we onuň çäklerinden daşarda integrasiýany çuňlaşdyrmak» atly ýokary derejeli forumyna gatnaşdy...