Ýer planetasy üçin howply hasaplanýan, kosmosyň oňa golaý ýerinde 10,5 müň sany asteroid bar. NASA-nyň web sahypasyndaky habara görä, olaryň azyndan 50-si adamzadyň heläk bolmagyna sebäp bolup biler.
Häzirki wagtda ylma geljekde Ýer bilen çaknyşyp biljek 32 müň asteroid mälim. Olaryň 10,5 müň sanysynyň diametri 140 metr, şeýle ölçegleri bilen asman jisimi planeta uly zyýan ýetirip biler.
Alymlaryň pikiriçe, Ýere ýakyn kosmosda diametri bir kilometre ýetip bilýän 50 sany näbelli asteroid bar. Bu ululykdaky jisimler adamzadyň heläkçiligine sebäp bolup, ony ýom-ýok edip biler.
Emma maglumatlar henizem doly däl, şeýle howply asteroidleriň has köp bolmagy hem mümkin. Hünärmenler olaryň tebigy ýalpyldysynyň ýoklugy sebäpli, ýüze çykarmagyň mümkin däldigini düşündirýärler. Şeýlelik bilen, asman jisimleriniň barlygyny diňe olar Güne görä dogry ýagdaýda bolanlarynda bilip bolýar.
