Türkmenistanyň Söwda-senagat edarasynda agrosenagat tehnikasy we enjamlaşdyryş, azyk senagaty we gaplama senagaty boýunça türkmen-italýan tehnologiki seminary geçirildi. Bu barada Halkara habarlar merkezi habar berýär.
Oňa Söwda-senagat edarasynyň başlygy, Italiýanyň Türkmenistandaky adatdan daşary we doly ygtyýarly ilçisi Luijio Ferrari, Stambuldaky ITA müdiri Rikkardo Landi, Italiýanyň FBR ELPO, RICCIARELLI, RIMA GROUP, RINIERI SRL, VIGNETINOX ýaly kompaniýalarynyň wekilleri gatnaşdy. Şeýle-de, duşuşyga Türkmenistanyň hususy pudagynyň wekilleri gatnaşdy.
Luiji Ferrari öz çykyşynda bu çäräniň italiýaly we türkmenistanly telekeçiler üçin biznesiň bar bolan artykmaçlyklaryndan ýokary derejede peýdalanar ýaly iň amatly hyzmatdaşlygy ösdürmek mümkinçiligine eýe bolmak üçin öz garaýyşlary we meýilnamalary bilen paýlaşar ýaly möhüm platformadygyny belledi.
Seminarda Italiýanyň hususy pudagynyň wekilleri-de çykyş edip, türkmenistanly kärdeşlerini öz kompaniýalarynyň işleri bilen tanyşdyrdylar. Günüň ikinji ýarymynda Türkmenistanyň we Italiýanyň hususy pudaklarynyň wekilleriniň arasynda ikitaraplaýyn duşuşyklar geçirildi.
