Hytaýly alymlar optiki signallaryň kommutasiýasy üçin täze kosmos tehnologiýasyny işläp taýýarlamakda möhüm tapgyra ýetdiler. Kosmosda üstünlikli synagdan geçirilen bu tehnologiýa hemra internetini we 6G torlaryny işläp taýýarlamakda esasy element bolup biler.
“Optiki kommutatoryň kosmos tehnologiýasy” awgust aýynda, gurluş Hytaýyň Y7 raketa göterijisiniň kömegi bilen orbita iberilende synagdan geçirildi.
Bu tehnologiýanyň esasy artykmaçlygy onuň aýna ýaly işläp, ýagtylyk signallaryny bir ýerden başga bir ýere olary elektrik signallaryna öwürmän geçirip bilýänligindedir. Hytaýyň Ylymlar Akademiýasynyň howandarlygyndaky Sian optika we takyk mehanika institutynyň alymlar topary bu tehnologiýanyň kosmosda üstünlikli synag edilendigini habar berdi.
Bu öňegidişlik aragatnaşyk torlarynyň täze neslini we hemra tehnologiýalaryna esaslanýan Interneti döretmek üçin başlangyç nokat bolup biler.
