Ferrari-niň marketing we satuwlar boýunça müdiri Enriko Galliera salgylanýan Reuters habarlar gullugynyň habar berşi ýaly, sport awtoulag öndürijisi öz awtoulaglary üçin kriptowalýuta töleglerini kabul etmek kararyna geldi. Ilki ABŞ-yň, soňra bolsa Ýewropanyň ilaty Ferrariniň bahasyny “kriptoda” töläp bilerler.
Top-menejeriň bellemegine görä, kriptowalýuta gazanmaga bolan çemeleşmeler indi üýtgedi: täze programma üpjünçiliginiň ornaşdyrylmagy we täzelenip bilýän energiýa çeşmeleriniň has giňden ulanylmagy sebäpli kriptowalýutalar has “ýaşyl” boldy, indi olar, ozal bolşy ýaly, uly mukdarda kömürturşy gazyny çykarmaýar.
Enriko Gallieranyň aýdyşy ýaly, Ferrari -niň 2030-njy ýyla çenli ulagyň gymmatynyň tutuş zynjyrynda uglerod bitaraplygyny gazanmak maksady bar we kriptowalýuta bilen hasaplaşmak uzak möhletli maksatlaryna laýyk gelýän ýaly.
Emma bu diňe bir sebäbi. Ýöne iň möhümi däl bolsa gerek: Ferrari -niň wekili, kriptowalýutany töleg hökmünde kabul etmek kararyna Ferrari -niň müşderileriniň köpüsiniň kriptowalýutada maýa goýandygy sebäpli, bazaryň we söwda dellallarynyň isleglerine jogap hökmünde kabul edilendigini aýtdy.
