«DxOMark-yň» hünärmenleri täze «Google Pixel 8» we «8 Pro» flagman smartfonlarynyň displeýlerine berlen bahalaryň netijelerini paýlaşdylar. Iki model hem ajaýyp netijeleri görkezdi we synag edilen enjamlaryň sanawynda «Samsung», «Apple» we «Xiaomi» ýaly bäsdeşlerinden öňe geçdi.
«DxOMark-yň» pikiriçe, enjamlaryň ikisiniň ekranynda-da ajaýyp reňk geçirilişi, dürli yşyklandyryş şertlerinde hem gowy okalyş mümkinçiligi, ýokary hilli «HDR10» wideo işlenişi, şeýle hem ýokary durulyk we duýgurlyk bar.
Şeýle-de bolsa, olaryň käbir kemçilikleri hem bar: pes ýagtylykda garaňky ýerlerde detallary ýitirmek, enjam bilen işlenende ekrana tötänleýin degilse hem basylmak we oýunlarda göze dürtülip duran aliasing (şekiliň birdenkä üýtgemegi).
«Pixel 8 Pro» «DxOMark-yň» sanawynda 154 ball alyp, bu kategoriýada iň gowusy boldy. «Pixel 8» ekranynyň biraz ýönekeýligine we dinamiki täzeleniş ýygylygynyň bolmazlygyna garamazdan, şonuň ýaly ball aldy.
«Pixel 8 Pro» flagmany 2992x1344 durulygy, iň ýokary ýagtylygy 2400 nit we 120 Hz (LTPO) adaptiw täzelenme tizligi bolan 6,7 dýuýmlyk OLED ekran bilen üpjün edilendir. Adaty «Pixel 8» bolsa 2400x1080 durulygy, iň ýokary ýagtylygy 2000 nit we 120 Hz täzelenme tizligi bolan 6,2 dýuýmlyk OLED ekrany aldy.
