Hindistanyň Aditya-L1 Güni öwreniş kosmos stansiýasy 2024-nji ýylyň ýanwar aýynyň ortalaryna Güne gözegçilik etjek ýeri bolan Lagranž L1 nokadyna ýeter. Bu barada kosmos gullugynyň başlygy Şridhara Paniker Somnath aýtdy.
Güni öwrenmek boýunça ilkinji Aditya-L1 hindi awtomatiki stansiýasy 2-nji sentýabrda Ýeriň orbitasyna çykaryldy; üç hepde töweregi wagtdan soň enjam Ýerden 1,5 million km uzaklykda ýerleşýän Lagranž L1 nokadyna tarap traýektoriýa geçirildi. Enjam eýýäm Gün ýeli barada ylmy maglumatlary ýygnamaga başlady.
ANI Somnathyň sözlerini getirip: "Ýerden Lagranž L1 nokadyna çenli aralyk 110 günlük ýol diýen ýaly. Şonuň üçin enjam ol ýere ýanwar aýynyň ortalaryna ýeter" –diýip ýazýar.
Onuň sözlerine görä, şondan soň stansiýa Güne doly gözegçilik edip başlar.
