2024-nji ýylyň aprel aýynda Azerbaýjanyň Baku we Ganja şäherlerinde Türkmenistanyň Medeniýet günleri geçiriler. Bu barada Bakuda iki ýurduň medeniýet ministrleri Atageldi Şamyradow bilen Adil Kerimliniň arasynda geçirilen duşuşygyň netijeleri boýunça ylalaşyk gazanyldy.
Türkmenistanyň we Azerbaýjanyň Medeniýet ministrlikleriniň ýolbaşçylary 12-nji oktýabrda Bakuda Geýdar Aliýewiň 100 ýyllyk ýubileýine bagyşlanan Türki dünýäsiniň I medeni forumynyň çäklerinde duşuşyk geçirdiler.
Taraplar ýurtlaryň arasyndaky gatnaşyklaryň ýokary derejä çykandygyny, onuň esasynda medeniýet ulgamynda berk binýadyň goýlandygyny nygtadylar. Duşuşygyň barşynda şeýle hem iki ýurduň arasyndaky hyzmatdaşlygyň täze ugurlary ara alnyp maslahatlaşyldy.
