Britaniýanyň McLaren Automotive kompaniýasy dünýädäki satuw ulgamynda täze, iň uly söwda dellalçylyk merkezini açdy. Ol BAE-niň iň uly şäheri Dubaýda ýerleşýär. Awtoulag sergisiniň açylmagy bilen birlikde iň täze 750S superkarynyň ýerli tanyşdyrylyş dabarasy boldy.
Täze dellalçylyk merkezi 40 ýurtda 100-den gowrak nokady öz içine alýan satuw torunyň üstüni ýetirdi. 950 inedördül metrlik desga aýda 150 ulaga hyzmat etmäge ukyply dünýädäki iň uly McLaren hyzmat merkeziniň gapdalynda ýerleşýär.
Täze sergi zalyna müşderilere superkarlary şahsylaşdyrmagy hödürleýän McLaren Special Operations (MSO) studiýasy girýär. Ýakynda çynlakaý maliýe kynçylyklaryny başdan geçiren bir kompaniýa üçin bu uly ädim.
