Gyrgyzystanyň Yssyk-Köl welaýatynyň dolandyryş merkezi bolan Karakol şäherinde Mihail Lomonosow adyndaky Moskwa döwlet uniwersitetiniň şahamçasy açylar. Degişli karara Gyrgyz Respublikasynyň baştutany Sadyr Žaparow gol çekdi.
Prezidentiň metbugat gullugynyň beren beýanatynda: "Gyrgyz Respublikasynyň prezidenti Sadyr Žaparow "M.Lomonosow adyndaky Moskwa Döwlet Uniwersitetiniň Karakol şäherindäki şahamçasy hakyndaky" kararyna gol çekdi” diýilýär.
Bu karara mundan beýläk-de "ýokary bilimli ýokary hünärli işgärleri taýýarlamagy ösdürmek we kämilleşdirmek" we Gyrgyz Respublikasy bilen Russiýanyň arasynda ýokary bilim pudagynda hyzmatdaşlygy giňeltmek maksady bilen gol çekildi. Gyrgyz Respublikasynyň lideriniň kararyna laýyklykda, Moskwa Döwlet Uniwersitetiniň şahamçasynyň işi Gyrgyzystanyň we Russiýa Federasiýasynyň kanunlaryna laýyklykda amala aşyrylar.
Dalaşgärleri kabul etmek we uçurymlary gutarnykly saýlamak “Moskwa Döwlet Uniwersiteti tarapyndan bellenilen tertipde amala aşyrylar”.
