Türkmen boksçysy Baýramdurdy Nurmuhammedow Hytaýyň Hançžou şäherinde geçirilýän XIX tomusky Aziýa oýunlarynda 71 kg-a çenli agram derejesinde bürünç medal aldy. Türkmen türgeni ýarym final tapgyrynda Indoneziýada 2018-nji ýylda geçirilen Aziýa oýunlarynyň çärýek finalçysy Kan Çia Weýden (Taýwan) ýeňildi diýip, «Türkmenistan: Altyn asyr» neşiri habar berýär.
Baýramdurdy Nurmuhammedowyň gazanan medaly Türkmenistanyň Aziýa oýunlarynda medal sanawynda bäşinji medaly boldy. Öň, kuraş boýunça milli ýygyndymyzdan Tejen Tejenow kümüş medala, Işanmyrat Ataýew we Aýnur Amanowa bürünç medala eýe boldy. Dzýudo boýunça Maýsa Pardaýewa bürünç medal aldy.
