«Microsoft» «Windows» operasion ulgamy döredileninden bäri iň uly täzelenme bolan «Windows 11-i» çykardy. Oňa köp sanly täzelikler girizildi, olaryň esasylarynyň biri hem «Copilot» funksiýasydyr.
«Copilot» – bu «Windows» operasion ulgamynda ulanmak üçin uýgunlaşdyrylan «Bing Chat» çat-botydyr. Ol kompýuteriň sazlamalaryny dolandyrmaga, programmalary işe girizmäge ýa-da «Google-a» girmezden soraglara jogap almaga mümkinçilik berýän nusgawy gapdal paneli görnüşinde açylýar. «Copilot» belli bir derejede «Cortana-nyň» ornuny tutýar.
Täzelenmede adaty «Paint», «Gaýçy» we «Suratlar» goşundylaryna hem emeli intellekt goşuldy. «Paint-de» «Photoshop-yň» käbir aýratynlyklary peýda boldy.
Şeýle hem «Windows 11 23H2-de» RAR we 7-zip faýl arhiwine goldaw girizildi, şonuň üçin WinRAR bolmazdan hem işlemek mümkindir. Bu, elbetde, täzelikleriň doly sanawy däl.
