Keýn «Bawariýada» geçiren gollary boýunça Gerd Mýulleriň rekordyny täzeledi

  • 28.09.2023 12:21
  • 9.5k+

Angliýanyň milli ýygyndysynyň kapitany Gari Keýn Germaniýanyň çempionatynyň bäşinji tapgyrynda «Bohuma» garşy geçirilen duşuşykda het-trik etdi. «Bawariýanyň» hüjümçisi Mýunheniň klubuna geçeli bäri Bundesliganyň bäş oýnunda eýýäm ýedi pökgi geçirdi.

30 ýaşly hüjümçi Bundesliganyň ilkinji bäş oýnunda salnan gollaryň sany boýunça klubyň rekordyny täzeledi. Gerd Mýuller, Miroslaw Kloze we Mario Manjukiçiň hersi bäş pökgi geçiripdi.
Angliýanyň milli ýygyndysynyň iň gowy bombardiri 12-nji awgustda Londonyň «Tottenheminden» «Bawariýa» geçdi. Transferiň bahasy «Bawariýa» üçin rekord derejede 100 million funt sterlinge deň boldy, ýene 20 million ýewro bonus hökmünde tölenip bilner. Ondan öň klubyň iň gymmat satyn alan oýunçysy fransuz goragçysy Lýuka Ernandesdi (2019-njy ýylda 80 million ýewro).
Şeýlelikde, «Bawariýa» «Bohuma» garşy geçirilen duşuşykda 7-0 hasabynda ýeňiş gazandy.


şu gün 19:28
732

EA Sports FC 26-da Ibragimowiç, Inýesta, Totti we beýleki rowaýaty oýunçylar peýda bolar

Electronic Arts kompaniýasy futbol simulýatorynyň täze görnüşiniň — EA Sports FC 26 oýnunyň tanyşdyrylyşyna taýynlyk görýär. Oýun iýul aýynda resmi taýdan hödürlener, onuň çykjak senesi bolsa sentýabryň soňlaryna garaşylýar...

şu gün 12:05
5.9k+

Klublaýyn dünýä çempionatynyň 1/8 finalyna gatnaşyjylaryň ählisi belli boldy

Amerikanyň Birleşen Ştatlarynda futbol boýunça Klublaýyn dünýä çempionatynyň toparçalaýyn tapgyrynyň 3-nji duşuşyklarynyň soňky oýun güni tamamlandy. H toparyň jemleýji duşuşyklarynda Madridiň «Realy» «Zalsburgy» 3:0 hasaby bilen ýeňdi...

şu gün 10:22
5.6k+

Ronaldu "Al-Nasr" bilen şertnamasyny 2027-nji ýyla çenli uzaltdy

Kriştianu Ronaldu Saud Arabystanynyň «Al-Nasr» futbol kluby bilen şertnamasyny 2027-nji ýylyň tomsuna çenli uzaltdy. Bu barada toparyň resmi saýty habar berdi. 40 ýaşly portugaliýaly hüjümçiniň öňki şertnamasy 2025-nji ýylyň 30-njy iýunynda tamamlanmalydy...

25.06.2025 16:41
15k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...