Halkara media forumyň çäklerinde Türkmenistanyň Telewideniýe, radiogepleşikler we kinematografiýa baradaky Döwlet komitetiniň başlygy A.Aşyrow bilen ikitaraplaýyn duşuşyklar geçirildi. Bu duşuşyklara Döwlet komitetiniň başlygynyň orunbasary A.Kakaýew hem gatnaşdy diýip, Halkara habarlar merkezi saýtynda habar berýär.
Duşuşyklarda taraplar köpçülikleýin habar beriş serişdeleri pudagynda mundan beýläkki hyzmatdaşlygyň meselelerini ara alyp maslahatlaşdylar. Hususan-da, «Belarus 24» halkara teleýaýlymynyň ýolbaşçylary, «Russia Today» halkara teleýaýlymynyň wekilleri bilen ikitaraplaýyn duşuşyklar geçirildi.
Duşuşyga gatnaşyjylar Türkmenistanyň Garaşsyzlygynyň 32 ýyllygynyň öňüsyrasynda guralan halkara forumyň ýokary derejede guralandygyny bellediler. Myhmanlar hem öz gezeginde gurama we foruma gatnaşmak mümkinçiligi üçin minnetdarlyk bildirdiler.
