«Arçabil» myhmanhanasynyň metbugat merkezinde halkara media forum öz işine başlady. Forumyň açylyşynda Türkmenistanyň Telewideniýe, radiogoýberiş we kinematografiýa baradaky döwlet komitetiniň başlygynyň orunbasary A.Kakaýew çykyş etdi diýip, Halkara habarlar merkeziniň saýty habar berýär.
Foruma ýurdumyzyň öňdebaryjy habar beriş serişdeleriniň we habarlar agentlikleriniň ýolbaşçylary, baş redaktorlar, ýurdumyzda ygtyýarlandyrylan daşary ýurt habar beriş serişdeleriniň wekilleri, «Bolşaýa Aziýa» teleýaýlymynyň baş direktory, Russiýa Federasiýasynyň, Beýik Britaniýanyň, Malaýziýanyň, Ýaponiýanyň, Türkiýe Respublikasynyň we Belarusuň HBS-leriniň we teleradiokompaniýalarynyň ýolbaşçylarydyr wekilleri gatnaşdylar.
Media forum Türkmenistanyň Telewideniýe, radiogoýberiş we kinematografiýa baradaky döwlet komiteti tarapyndan guraldy.
