11-nji sentýabrda Magtymguly adyndaky Türkmen döwlet uniwersitetinde žurnalistika hünärinde bilim alýan hem-de döredijilik bilen meşgullanýan ýaşlaryň Türkmenistanyň öňdebaryjy neşirleriniň ýolbaşçylary bilen döredijilik duşuşygy geçirildi. Bu barada uniwersitetiň saýty habar berýär.
Hususan-da, duşuşyga «Türkmenistan» gazetiniň baş redaktory K.Rejebow, «Nesil» gazetiniň baş redaktory A.Hojaberdiýew, «Neýtralnyý Turkmenistan» gazetiniň baş redaktory M.Alimowa gatnaşdy.
Duşuşygyň barşynda türkmen halkynyň Milli Lideriniň 1-nji sentýabrda ýurdumyzyň taryhy, ýaş nesliň borçlary barada geçen umumy sapagyna hem-de mukaddes Garaşsyzlygymyzyň şanly 32 ýyllygyna aýratyn ähmiýet berildi. Şeýle hem ýaşlar özlerini gyzyklandyran sowallar bilen halypalara ýüz tutdular.
