Hindistanyň premýer-ministri Narendra Modi Uly ýigrimligiň (G20) sammitiniň ilkinji mejlisinde öz ýurduny atlandyrmak üçin «Hindistan» ýerine «Bharat» diýen ýazgyny ulandy diýip, RIA Nowosti bu barada habar berýär.
Hindistanyň konstitusiýasyna laýyklykda, iňlis we hindi dilleri ýurduň resmi dilleridir. Şunuň bilen birlikde, iňlis dilinde döwlete Hindistan, hindi dilinde bolsa Bharat diýilýär.
6-njy sentýabrda Hindistanyň daşary işler ministri Subramaniam Jaýşankar G20 sammitindäki materiallarda ýurdy aňlatmak üçin Bharat sözüniň ulanylmagynyň döwletiň adyny üýtgetmek synanyşygy däldigini aýtdy.
Ozal «The Economic Times» Hindistanyň hökümetiniň ýurduň resmi adyny «Bharat» diýip üýtgetjekdigini habar beripdi. 18-22-nji sentýabr aralygynda geçiriljek parlamentiň ýörite mejlisinde degişli karar hödürlenip bilner.
