Şweýsariýanyň Lokarno şäherinde «Volkswagen» köpçülikleýin öndürilýän elektrikli «ID.7» kysymynyň binýadynda gurlan «ID.X Performance» konsept awtoulagyny tanyşdyrdy.
Awtoulag 558 at güýji kuwwaty bolan iki motorly elektrik hereketlendirijisi bilen üpjün edildi we onuň daşky bezegi düýpgöter täzeden döredildi. Öňki bamperde gara reňkli uly radiator gözenegi peýda boldy. Yzky bampere uglerod süýümli diffuzor gurnalyp, bagažnigiň gapagynda spoýler ýerledirildi.
Şeýle hem awtoulagda 60 mm peseldilen podweska we merkezi nurbatly 20 dýuýmlyk sport tekerleri ornaşdyryldy. Daşky we içki bezegdäki gyzyl öwüşginler sport sedanynyň keşbini tamamlaýar.
