Volkswagen kompaniýasy Hytaý bazary üçin niýetlenen täze Jetta X elektrik krossoweri bilen tanyşdyrdy. Bu modeliň brendiň soňky ýyllarda ýerli önüm öndürijileriň bäsdeşligi sebäpli gowşan ornuny dikeltmäge kömek etmegine garaşylýar.
Kompaniýa ozallar tendensiýalary kesgitleýärdi, ýöne häzir BYD we Geely ýaly brendlerden yza galýar. Volkswagen häzir elýeterli baha we önümçiligi ýerlileşdirmäge üns berýär.
Jetta X “Hytaý üçin Hytaýda öndürilen” ýörelgesi esasynda guruldy - bu dizaýna-da, tehnologiýa-da degişli bolup durýar. Modeliň takmynan 14 000–15 000 dollara satylmagyna garaşylýar.
Awtoulag ýaşlaryň islegine laýyk gelýän uly ekranly we iň az fiziki düwmeli döwrebap sanly salona eýe bolar.
Krossoweriň dizaýny has burçly we wnedorožnigiň stiline golaý boldy.
Bu taslama 2026-njy ýylda işläp düzmekligi we karar kabul etmegi tizleşdirmek üçin döredilen täze FAW-Volkswagen Jetta gurluşy arkaly amala aşyrylýar.
Kompaniýa bu çemeleşmäniň bazardaky üýtgeşmelere has çalt jogap bermäge mümkinçilik berjekdigine umyt baglaýar. Jetta X ilkinji ädim bolar, ýöne ýeke-täk däldir: Volkswagen 2028-nji ýyla çenli gibrid we ýöreýiş ätiýaçlygy uzaldylan görnüşler bilen birlikde ýene-de birnäçe modeli çykarmagy meýilleşdirýär.
