“Söwda öýi” kärhanasy Katar Döwletiniň Doha şäherinde geçiriljek «EKSPO — 2023» halkara sergisinde Türkmenistanyň milli pawilýonyny gurar. Degişli Karara Türkmenistanyň Prezidenti gol çekdi.
Resminama laýyklykda, Türkmenistanyň Söwda-senagat edarasyna Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berildi.
Belläp geçsek, «EKSPO — 2023» halkara sergisi «Daşky gurşawyň hatyrasyna «ýaşyl» tebigat» diýen şygar astynda Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriler.
