Hindistanyň häkimiýetleri ýurduň adyny häzirki döwletiň ýerleşýän ýerleriniň gadymy ady bolan «Bharat» diýip üýtgetmegi meýilleşdirýär. Bu barada «The Economics Times» neşiri habar berýär.
«Britanlar Bharaty Hindistan diýip atlandyrdylar. <...> Biziň ýurdumyz müňlerçe ýyl bäri Bharat ady bilen tanalýar... Bu ýurduň gadymy ady, ol gadymy sanskrit tekstlerinde duş gelýär. Hindistan ady kolonial atdy we şonuň üçin gulçulygyň nyşanydy. Hindistan ady konstitusiýadan aýrylmaly» diýip, Hindistanyň parlamentinde belläp geçdiler.
Şonuň ýaly, 1935-nji ýylda Persiýa (grek ady) halkara adyny Eýrana (özleriniň tutýan ady) üýtgetdi. Hindistanyň ýaşaýjylary hindi dilinde (resmi dilde) hem öz ýurduny «Bharat» diýip atlandyrýarlar, bu resminamalarda hem görkezilýär. Ýurduň adyny üýtgetmek karary 18 – 22-nji sentýabr aralygynda geçiriljek parlamentiň ýörite mejlisinde kabul edilip bilner.
