TAPI Pipeline Company Ltd-niň baş müdiri Muhammetmyrat Amanow Owganystanyň Dag-magdan senagaty we nebit ministriniň wezipesini wagtlaýyn ýerine ýetiriji Şahabuddin Delawer bilen duşuşdy hem-de Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişiniň gidişi barada pikir alyşdy diýip, TOLO news habar berýär.
Duşuşykda taraplar taslamany doly durmuşa geçirmek isleýändiklerini ýene bir gezek tassykladylar. Owgan ministri Kabul öz tarapyndan Merkezi Aziýadan Günorta Aziýa çenli gaz geçirijisini çekmek meýilnamasyny durmuşa geçirmek üçin tagallalaryny dowam etdirjekdigini aýtdy.
TAPI Pipeline Company Ltd-niň baş müdiri geçen ýylyň sentýabr aýynyň ahyrynda руь şuňa meňzeş duşuşyk geçiripdi: şonda owgan hökümeti TAPI-ni doly goldaýandygyny aýdypdy.
Häzirki wagtda TAPI Pipeline Company Ltd “Türkmengaz” Türkmen döwlet konsernini, Owganystanyň gaz korporasiýasyny, Inter State Gas Systems (Private) Limited-i (Pakistan) и GAIL-i (Hindistan) öz içine alýar.
