Polar Satellite Launch Vehicle (PSLV) raketa göterijisi şenbe güni Güni öwrenmek üçin Aditya-L1 kosmos obserwatoriýasyny elliptik Ýer orbitasyna üstünlikli çykardy. Uçuş Hindistanyň kosmos gözlegleri guramasy tarapyndan ýaýlyma berildi diýip, interfax.ru habar berýär.
Raketa hindi wagty bilen 11:50-de Şriharikota adasyndaky Satişa Dhawana adyndaky kosmos merkeziniň uçuş meýdançasyndan uçuryldy.
Aditya-L1 obserwatoriýasyny Ýerden 1,5 mln km uzaklykda ýerleşýän Gün-Ýer ulgamynyň Lagranža L1 nokadynyň töweregindäki galo-orbitasyna çykarmak meýilleşdirilýär. Guramanyň maglumatlaryna görä, enjam öz hereketlendirijilerini işletmek arkaly orbitany ýokarlandyrmak boýunça birnäçe hereketleriň netijesinde dört aýdan meýilleşdirilýän orbita çykar.
Dürli peýdaly ýük bilen enjamlaşdyrylan obserwatoriýa magnit meýdanlaryny we elektromagnit bölejikleri anyklamak üçin enjamlaryň, spektrometrleriň we koronograflaryň kömegi bilen Günüň fotosferasyny we hromosferasyny, şeýle-de onuň ýokarky gatlagyny – Gün aýtymyny öwrener.
Alymlar Gün aýtymyndan koronal madda zyňyndylarynyň we Gündäki partlamalaryň sebäbine düşünmäge hem-de kosmos howasyny we L1 nokadynyň töweregindäki magnit meýdanyny öwrenmäge kömek etjek täze maglumatlary almaga garaşýarlar.
