Bilimler we talyp ýaşlar gününde Türkmenistanda 1-nji synpa okuwa barýan ähli çagalar Prezidentiň adyndan Bilimli atly noutbuklary sowgat alarlar. Degişli tabşyryklary geçen anna güni Hökümet mejlisiniň barşynda Prezident Serdar Berdimuhamedow berdi.
«Aýdyň Gijeler» hojalyk jemgyýetiniň hünärmenleri tarapyndan işlenip düzülen «Bilimli» noutbuklary kuwwatly prosessora, şeýle hem uly göwrümli operatiw ýada we çalt grafika eýedir.
Noutbuklar özünde oturdylan we türkmen, rus we iňlis dillerinde elýeterli bolan 11 sany bilim programmasyny saklaýar. Bu programmalar birinji synp okuwçylaryna dürli başarnyklaryny ösdürmäge we bilimlerini artdyrmaga kömek eder.
