“Red Bull” toparynyň sürüjisi Maks Werstappen “Formula-1-iň” Niderlandlaryň Gran-prisi tapgyrynyň ýeňijisi boldy. “Zandwort” awtodromynda geçirilen ýaryşda gollandiýaly birinji orny garşydaşlaryna bermedi.
Werstappeniň görkezen netijesi 1 sagat 20 minut 915 sekunt boldy. Onuň yzyndan pellehana “Aston Martinden” ispaniýaly Fernando Alonso geldi. Üçünji orny “Alpinde” çykyş edýän fransiýaly Pýer Gasli eýeledi.
Dünýäniň ýedi gezek çempiony Lýuis Hemilton ýaryşy altynjy orunda tamamlady.
Şeýlelik bilen, Werstappen öz üstünliginiň netijesinde tapgyrlarda gazanan yzygiderli ýeňişleriniň sany boýunça “Formula-1-iň” rekordyny gaýtalady. Indi onuň hasabynda yzygider dokuz ýeňiş bar. Öň, şeýle üstünlige diňe germaniýaly Sebastýan Fettel ýetipdi. Onuň rekordy 2013-nji ýyldan bäri saklandy.
