“Maklaren” toparynyň awstraliýaly sürüjisi Oskar Piastri “Formula-1” çempionatynyň 13-nji tapgyry bolan Belgiýanyň Gran-prisinde ýeňiji boldy. Ýaryş Spa-Frankorşam awtodromynda geçirildi.
Howa şertleri sebäpli ýaryş gijräk başlady.
Ikinji bolup pellehana Piastriniň topardaşy britaniýaly Lando Norris geldi. Üçünji orny “Ferrariden” Şarl Lekler eýeledi.
Piastri dünýä çempionatynyň umumy sanawynda öňdebaryjylygyny berkitdi. Awstraliýaly ýaryşa gatnaşyjy 266 utuk gazandy. Ikinji orny Norris (250), üçünji orny “Red Bull” toparynyň niderlandly sürüjisi, dört gezek dünýä çempiony Maks Werstappen (185) eýeleýär.
Konstruktorlaryň kubogynda “Maklaren” öňde barýar (516 utuk). Şeýle-de, üçlüge “Ferrari” (248) we “Mersedes” (220) girýär.
Dünýä çempionatynyň indiki tapgyry 1 – 3-nji awgustda Wengriýada geçiriler.
