Fransiýaly suwda ýüzüji Leon Marşan 200 metr aralyga toplumlaýyn ýüzmekde täze dünýä rekordyny goýdy. Rekord Singapurda geçirilýän sportuň suwda ýüzmek görnüşi boýunça dünýä çempionatynda ýarym finalda ýüzülende goýuldy.
Marşan aralygy 1 minut 52,69 sekuntda geçdi.
Öňki rekordy amerikaly türgen Raýan Lohte goýupdy we netije 1 minut 54,00 sekunt bolupdy. Lohte bu üstünligi 2011-nji ýyldaky dünýä çempionatynyň finalynda gazanypdy.
Leon Marşan dört gezek Olimpiýa çempiony we bäş gezek dünýä çempionydyr. Dünýä rekordyny täzeläni üçin türgen 30 000 dollarlyk çek aldy.
200 metr aralyga ýüzmek boýunça jemleýji ýaryş 31-nji iýulda geçiriler. Sportuň suwda ýüzmek görnüşi boýunça dünýä çempionaty 3-nji awgustda tamamlanar.
