Türkmenistanyň Döwlet energetika institutynyň ýanaşyk çäklerinde 2 müň orunlyk täze goşmaça okuw binasy, 800 orunlyk umumy ýaşaýyş jaýy, ýapyk görnüşli sport desgasy hem-de aýlawly ýolda monument gurlar.
Gurluşyk işleri 2023-nji ýylyň sentýabr aýynda başlanyp, binalar we desgalar 2025-nji ýylyň sentýabr aýynda ulanmaga doly taýýar edilip tabşyrylar.
Gurluşyk işlerini «Röwşen» hususy kärhanasy ýerine ýetirer.
Energetika ministrligine bu binalaryň taslamasyny düzmek we olary döwrebap enjamlar bilen üpjün edip, ýanaşyk ýerleri abadanlaşdyryp gurmak barada «Röwşen» hususy kärhanasy bilen şertnamany görkezilen binalar we desgalar üçin elektrik, aragatnaşyk, gaz, suw üpjünçiliginiň we lagymyň meýdançadan daşarky eltiji inžener ulgamlarynyň hem-de desgalarynyň durkuny täzelemek ýa-da täzelerini gurmak, olary umumyşäher ulgamyna birikdirmek işlerini ýerine ýetirmek şertinde baglaşmaga ygtyýar berildi.
