17-nji iýuldan 13-nji awgust aralygynda dünýäde 1,4 milliondan gowrak adam koronawirus ýokanjy bilen keselledi, 2,3 müňden gowrak adam ýogaldy. Bütindünýä saglygy goraýyş guramasynyň habaryna görä, ýokuşanlaryň sany, öňki 28 gün bilen deňeşdirilende, 63% artdy, ýogalanlaryň sany bolsa 56% azaldy.
Bütindünýä saglygy goraýyş guramasynyň maglumatlaryna görä, dört hepdede dünýäde 1 422 538 adama kesel ýokaşanlygy we 2 366 adamyň bolsa ýogalandygy hasaba alyndy. 104 ýurtdan kowid bilen kesellänler barada habar berildi. BSGG-nyň 5-nji maýda adatdan daşary ýagdaýyň tamamlanandygyny yglan edendigine garamazdan, COVID-19-yň "esasy howp bolup galýandygyny" guramada aýtdylar. Şunuň bilen baglylykda, gurama ýurtlary "öňünden duýdurmaklyga, epidemiologik gözegçiligi dowam etmeklige we hasabaty ýöretmeklige, (koronawirusyň) wariantlaryny yzarlamaga, irki kliniki bejergini bermäge, ýokary töwekgelçilikli toparlara buster sanjymyny etmäge, howa çalşygyny gowulandyrmaga" çagyrdy. BSSG koronawirusyň omikron ştammynyň EG.5 görnüşiniň ýaýraýşynyň ýokarlanýandygyna ünsi çekdi. Ol 17-nji awgusta çenli ýagdaýa görä, 50 ýurtda tapyldy. Bir hepde öň ol 48 ýurtda bardy.
Günbatar Ýuwaş umman sebitinde 17-nji iýuldan 13-nji awgust aralygynda keseliň 97% ýokarlanandygy bellendi. Şol bir wagtyň özünde Ýewropany hem öz içine almak bilen, dört sebitde azaldy. Ölüm hemme ýerde azaldy, iň möhümi - Afrikada - 78%. Dört hepdäniň içinde iň köp hadysa Koreýa Respublikasynda ýüze çykaryldy – 1 209 194. Ondan soň Awstraliýa (30 402), Singapur (18 806), Italiýa (18 419) we Angliýa (16 938) gelýär. Koreýa Respublikasy 17-nji iýuldan 13-nji awgust aralygynda iň köp ýogalan adam sanyny hasaba aldy. Ondan soň Awstraliýa (201), Russiýa (182), Filippinler (162) we Italiýa (159) durýar.
