Threads işjeň ulanyjylarynyň 80%-ini ýitirdi

  • 18.08.2023 16:34
  • 4.1k+

Threads platformasy üstünlikli başlangyçdan soň auditoriýasyny ýitirmegini dowam etdirýär. Similarweb sanly seljeriş platformasynyň maglumatlaryna görä, programma bilen gatnaşyk 79%, ýagny iýul aýynyň başyndaky 2,3 mln işjeň ulanyjydan 7-nji awgusta çenli ýagdaýa görä Android gurluşly 576 müň ulanyja çenli peseldi.

Analitikleriň maglumatlary boýunça, amerikaly ulanyjylaryň Threads-da sarp edýän ortaça wagty 85% - 21 minutdan 3 minuta çenli azaldy. Üstesine-de, sosial ulgamy diňe bir adaty ulanyjylar däl, eýsem Selena Gomesiň Rare Beauty kosmetika kompaniýasy, Wendy’s tiz iýmit tory we Anthropologie dükany ýaly uly kompaniýalar hem ýuwaş-ýuwaşdan terk edýär.
Meta kompaniýasy tekst habarlary üçin Threads hyzmatyny 6-njy iýulda işe girizdi. Sosial ulgam amerikaly telekeçi Ilon Maska degişli bolan X-i (öň, Twitter) gysyp çykarmalydy. Programmada işe girizileninden ilkinji birnäçe sagatda 5 mln ulanyjy hasaba alyndy. Bäş günüň içinde auditoriýa 100 mln adama ýetip, ChatGPT-niň rekordyny täzeledi.
Platformada ulanyjylar 500 belgä çenli uzynlykdaky habarlary ýerleşdirip, olara salgylanmalary, suratlary we dowamlylygy 5 minuta çenli bolan wideolary berkidip bilýärler. Threads-a Instagram akkauntyň bilen girmek bolar. Ýöne platformadaky profiliňi diňe Instagram akkauntyňy bozmak arkaly işjeňsizlendirip bolýar.


22.08.2025 18:50
3.2k+

WhatsApp adamyň deregine özi habar ýazýan funksiýany synagdan geçirýär

WhatsApp-da ulanyja emeli aňyň kömegi bilen habar ýazmaga we redaktirlemäge kömek edýän synag funksiýasy peýda boldy. Şeýle aýratynlyk iPhone üçin messenjeriň soňky beta-wersiýasynda bar diýip, MacRumors habar berýär...

16.08.2025 17:50
1.4k+

 Meta-nyň Threads sosial ulgamynyň aýlyk ulanyjy sany 400 milliondan geçdi

Meta degişli bolan Threads sosial ulgamynyň aýdaky işjeň ulanyjylarynyň sany 400 milliondan geçdi diýip, Instagram-yň baş direktory Adam Mosseri aýtdy. Mosseri işe başlany bäri iki ýylyň içinde bu hyzmatyň "açyk pikir alyşmak üçin möhüm platforma" öwrülendigini aýtdy...

13.08.2025 11:14
9.8k+

Sukerberg Kremniý jülgesinde 11 jaýly tutuş köçäni satyn alyp, ol ýerde bunker gurdy

Meta-nyň baş direktory Mark Sukerberg Kremniý jülgesindäki Kresent-Park diýen ýerde 11 jaýy satyn alyp, munuň üçin 110 mln dollar sarp etdi. Kaliforniýada bu ýer hukukçylaryň, kompaniýalaryň top-menejerleriniň we Stenford uniwersitetiniň professorlarynyň ýaşaýan ýeri hökmünde bellidir...

07.08.2025 16:15
2.1k+

Instagram Live-göni ýaýlym üçin çäklendirmeleri girizdi

Instagram göni ýaýlymlar üçin täze çäklendirmeleri girizdi: indi açyk akkauntlary bolan ulanyjylar we azyndan 1000 abonenti bolanlar göni ýaýlymda çykyş edip biler. TechCrunch-iň habar bermegine görä, sosial ulgam üýtgeşmeleri resmi taýdan tassyklady...