Hytaýyň «FAW» awtokonserni «Bestune Xiaoma» kysymly awtoulagynyň önümçilik nusgasyny tanyşdyrmaga taýýarlanýar. Bu barada gazeta.ru carnewschina.com saýtyna salgylanyp habar berýär.
Awtoulagyň aýratynlygy onuň uzynlygynyň bary-ýogy 3000 mm bolmagyndadyr. Ulagyň agramy – 685 kg. Ol salonynda dört ýolagçy ýerleşip bilýän üç gapyly hatçbekdir.
Awtoulag «Shuanglin» kompaniýasynyň elektrik hereketlendirijisi bilen üpjün edilendir, bu kompaniýanyň hereketlendirijileri «Chery» kysymly ulaglarda hem peýdalanylýar. Motoryň kuwwatlylygy 27 at güýjüne deňdir. Iň ýokary tizligi sagatda 100 km.
«FAW Bestune Xiaoma-nyň» hytaý bazaryndaky satuwy 2023-nji ýylyň ahyryna çenli başlanar. Awtoulagyň bahasy heniz mälim edilmedi.
