Xiaomi CyberDog robotlarynyň ikinji nesli bilen tanyşdyrdy. Täze robot it has ýeňil we hereketli bolup çykdy. Şeýle hem, robot indi eýesini tanap we akylly jaýy dolandyryp bilýär.
CyberDog 2-niň agramy 8,9 kilograma, boýy 36,7 santimetre deň. Robot it 1,6 m/s tizlik bilen hereket edip bilýär. Enjam ultrases datçigi, lidar, ToF kamerasy, AI kamerasy we dört mikrofon ulgamy bilen enjamlaşdyryldy. Robotyň täzelenen görnüşine eýesiniň ýüzüni tanamagy öwretdiler. CyberDog 2-iň dizaýny hem üýtgedi, indi ite hasam meňzeýär.
Robot CyberGear-iň 12 hereketlendirijisiniň kömegi bilen hereket edýär. Bu CyberDog 2-ä ylgamaga, yza salto etmäge, oturmaga we penjesini berip, “salamlaşmaga” mümkinçilik berýär. Robotlaryň ýagdaýy barada ähli möhüm maglumatlary görkezýän duýgur ekran olaryň tumşugyna oturdylypdyr. CyberDog 2-ni ses buýruklary ýa-da yşaratlar arkaly dolandyryp bolýar. Şeýle hem robot akylly öý bilen täsirleşmek funksiýalary bilen enjamlaşdyrylandyr.
Nerw ulgamlarynyň kömegi bilen robot ulanyjylaryň keýpini kesgitläp we täze buýruklary öwrenip biler. Robot it daşky gurşawa nähili reaksiýa bermelidigini hem bilýär. Tanyşdyryş dabarasynda kompaniýa CyberDog 2-niň kodunyň açyk boljakdygyny we her kim programma üpjünçiligini täzeden ýazyp biljekdigini aýtdy.
