Mýunheniň «Bawariýasy» resmi çeşmelerinde iňlis hüjümçisi Garri Keýniň transfer edilendigini habar berdi.
30 ýaşly iňlis oýunçysynyň täze klub bilen şertnamasy 2027-nji ýylyň iýun aýyna çenli dowam eder. Keýn “Bawariýada" dokuzynjy belgide oýnar.
Keýn “Bawariýa” geçmezden ozal tutuş karýerasynyň dowamynda iňlis çempionatynyň toparlary üçin oýnady. Hüjümçiniň öz hünär karýerasynyň köp bölegini geçiren kluby — Londonyň “Tottenhemi”. Hut şu klubdanam ol “Bawariýa” geçdi.
Habar beriş serişdeleriniň habaryna görä, Keýniň transferi 100 million ýewrodan gowrak bolupdyr.
Habar beriş serişdeleriniň maglumatyna görä, 30 ýaşly Keýniň Mýunhen klubyna transferiniň mukdary 100 million ýewrodan gowrak bolupdyr. Ondan öň “Bawariýa” ýekeje oýunçy üçinem şular ýaly köp pul tölemändir.
Keýn geçen möwsümde ähli ýaryşlarda 49 gezek çykyş edip, 32 pökgi geçirdi we 5 gezek netijeli pas berdi.
Keýn “Bawariýa” üçin eýýäm şu gün Germaniýanyň Super kubogy ugrundaky oýnunda «RB Leýpsige» garşy oýnap biler.
