Angliýanyň «Tottenhem» futbol topary hüjümçi Garri Keýniň Mýunheniň «Bawariýa» toparyna geçmegine razylyk berdi.
Bar bolan maglumatlara görä, iňlis topary özüniň kapitany üçin 100 million ýewrodan gowrak baha isleýär. Ozal «Tottenhem-iň» «Bawariýa-dan» gelen 100 millionlyk teklibi ret edendigi habar berlipdi. Şondan soňra mýunhenliler transferiň bahasynyň üstüne ýene 10 million ýewro goşdular. Geçip-geçmezligi baradaky çözgüdiň oýunçynyň özüne galandygy bellenilýär.
Keýn «Tottenhem» toparynyň düzüminde 2011-nji ýyldan bäri çykyş edip gelýär. Onuň şertnamasy 2024-nji ýylyň tomsuna çenli niýetlenendir. Hüjümçi toparyň taryhynda iň köp pökgi geçiren oýunçydyr. Ol dürli çempionatlarda jemi 280 pökgi geçirdi.
