Şanhaýyň «CellX» kompaniýasy emeli et öndürýän kärhanany işe girizdi diýip, RIA Nowosti «South China Morning Post» neşirine salgylanyp habar berýär.
«Bu synag önümçiliginde gelinjek netijeler biziň 2025-nji ýyla çenli tamamlamagy göz öňünde tutýan we ýylda ýüzlerçe tonna önüm öndürmäge ukyply bolan täjirçilik maksatly önümçilik toplumymyzda peýdalanylar» diýip, kärhananyň baş direktory Ýan Szylýan belläp geçýär.
Kärhana iki müň litrlik bioreaktora eýedir. Wagtyň geçmegi bilen bu enjamlaryň sany has-da artar, önümiň bahasy bolsa bir kilogramyna ýüz dollara çenli arzanlar diýlip, çeşmede bellenilýär.
Hytaý kompaniýasy 2025-nji ýylda halkara bazaryna çykmagy meýilleşdirýär. «CellX» şu ýylyň ahyrynda taýýarlan emeli etlerini sarp edişde peýdalanmak üçin ABŞ-a we Singapura ýüz tutar. Häzirki wagtda laboratoriýa şertlerinde ýetişdirilen önümleri satmaga diňe bu iki ýurtda rugsat berilýär.
2022-nji ýylyň ýanwarynda HHR-niň Oba hojalyk ministrligi bäşýyllyk Oba hojalyk meýilnamasyny kabul edipdi. Onda ilkinji gezek önüm öndürmegiň innowasion usullary, şol sanda eti ösdürip ýetişdirmek usuly barada ýatlanylyp geçildi.
