Günorta Koreýanyň Kia kompaniýasy Meksikada täze «K3» kysymly sedanyny tanyşdyrdy. Brendiň metbugat gullugynyň bellemegine görä, onuň satuwy eýýäm sentýabr aýynda başlanar. Ol bazarda «Hyundai Solaris» ulagyna bäsdeşlik eder.
Täze ulag yşyk diodly çyralar, 17 dýuýmlyk diskler, gaz çykarýan goşa turba bilen üpjün edildi. Awtoulagyň uzynlygy 4545 mm-e deňdir.
Onuň salonynda dolandyryş panelini we multimediýa ulgamyny özünde jemleýän giň formatly uly displeý ýerleşdirildi. Şeýle hem ol alty sany howpsuzlyk ýassygy, iki zolakly howany dolandyryş ulgamy, awtomatik usulda gyssagly duruzyş ulgamy, görünmeýän zolaklara gözegçilik etmek mümkinçiligi bilen üpjün edilendir. Täze «Kia K3» 1,6 we 2,0 litr göwrümli benzin motorlary bilen hödürlener.
