Hytaýyň Ylymlar akademiýasynyň paleontologlary gadymy adamlaryň 300 müň ýyl mundan öň ýaşap geçen we heniz ylma mälim bolmadyk görnüşini ýüze çykardylar. Olaryň geçiren barlaglarynyň netijesi «Journal of Human Evolution» žurnalynda çap edildi diýip, lenta.ru habar berýär.
Tapyndylar Hytaýyň gündogaryndaky Hualongdong diýen ýerde ýüze çykaryldy. Barlaglar aşaklygyna tarap üçburç şekilde we özboluşly egrilige eýe bolan äň süňküniň aýratynlyklaryny äşgär etdi. Äň süňküniň formasy häzirki zaman adamlarynyňkyny hem, giçki pleýstosen eýýamynda ýaşan gominidleriňkini hem ýatladýar, emma eňegiň bolmazlygy has gadymy görnüşler bilen ýakynlygyň bardygyny aňladýar.
Alymlar ortaky pleýstosen eýýamynda ýaşan gominidleriňkä meňzeş aýratynlyklary hem ýüze çykardylar, bu bolsa onuň Homo erectus görnüşine ýakyndygyny aňladýar. Şeýle hem bu häzirki zaman adam bilen gadymy gominidiň gibridi bolup biler. Çünki häzirli zaman adamlarynyň aýratynlyklary 300 müň ýyl mundan öň ýüze çykyp başlapdyr.
