Aşgabat şäherindäki Mehanika-tehnologiki orta hünär okuw mekdebi dalaşgärleri okuwa çagyrýar

  • 05.08.2023 16:12
  • 22k+

Aşgabat şäherindäki Mehanika-tehnologiki orta hünär okuw mekdebi dalaşgärleri 2023/2024-nji okuw ýyly üçin aşakdaky hünärler boýunça talyplyga kabul edýär:

  1. Tikin önümçiliginiň tehnologiýasy.
  2. Dokma önümçiligi.
  3. Süýümleri egirmegiň tehnologiýasy.
  4. Buhgalterçilik hasaba alnyşy.
  5. Marketing.
  6. Ykdysadyýet we meýilnamalaşdyryş.
  7. Maglumatlary işläp taýýarlamagyň we dolandyrmagyň awtomatlaşdyrylan ulgamlary.
  8. Tehnologiki prosesleriň we önümçilikleriň awtomatizasiýasy.
  9. Dokma senagatynyň elektroabzallary we elektrohereketlendirijileri.
  10. Dokma materiallaryň himiki tehnologiýasy we abzallary.
  11. Standartlaşdyrmak we sertifikatlaşdyrmak.
  12. Dokma we ýeňil senagatyň abzallaryna tehniki taýdan hyzmat etmek we bejermek.
  13. Dizaýn.

Аşgabat şäherindäki mehanika-tehnologiki orta hünär okuw mekdebine Türkmenistanyň umumy orta bilimden pes bolmadyk binýatda bilimi bolan, ýaşy 35-den geçmedik raýatlary giriş synaglarynyň netijeleri boýunça bäsleşik esasynda kabul edilýär.
Okuwyň möhleti 2 ýyl.
Аşgabat şäherindäki mehanika-tehnologiki orta hünär okuw mekdebinde okuwlar tölegli esasda alnyp barylýar.
Resmi iş kagyzlary Aşgabat şäherinde 2023-nji ýylyň 17-nji iýuly — 21-nji awgusty aralygynda kabul edilýär.
Resmi iş kagyzlarynyň sanawy:

  • — bellenilen nusgada direktoryň adyna ýazylan arza;  
  • — bellenilen nusgadaky sowalnama (anketa);
  • — bilimi baradaky resminama (asyl nusgasy);
  • — Türkmenistanyň Saglygy goraýyş we derman senagaty ministrligi tarapyndan bellenilen nusgadaky saglyk kepilnamasy;
  • — soňky okan ýerinden (işlän ýerinden, harby bölümden) häsiýetnama;
  • — bellenilen nusga boýunça okuw üçin tölegi öz wagtynda amal etmegiň kepil
  •      haty;
  • — 3x4 sm ölçegdäki sekiz sany fotosurat;
  • — işleýänler üçin zähmet depderçesiniň tassyklanan göçürmesi;
  • —okuw dersleri boýunça mekdep okuwçylarynyň döwlet bäsleşiginiň ýeňijileri, halkara bäsleşiklerine gatnaşan Türkmenistanyň ýygyndy toparynyň agzalary şol ýagdaýlary tassyklaýan degişli resminamanyň asyl nusgasyny tabşyrýarlar.

Bulardan başga-da, okuwa girmäge isleg bildirýänler ýokarda görkezilen resminamalar bilen birlikde, resminamalary kabul edýän iş toparyna aşakdakylary görkezýärler we nusgalaryny tabşyrýarlar:

  • —  pasportyny; 
  • —harby şahadatnamasyny ýa-da ýazylyş şahadatnamasyny we ýaşaýan ýeri boýunça harby wekillikden güwähatyny.

Dalaşgär bäsleşiksiz we (ýa-da) okuwa kabul edilmek üçin artykmaç hukukdan peýdalanýandygyny tassyklaýan beýleki resminamalary görkezip biler. 
Nädogry berlen maglumatlar we galp resmi iş kagyzlary üçin dalaşgär şahsy jogapkärçilik çekýär.
Giriş synaglary we okuwa kabul edilmek Türkmenistanyň Dokma senagaty ministrliginiň Aşgabat şäherindäki mehanika-tehnologiki orta hünär okuw mekdebinde (Aşgabat şäheri) 2023-nji ýylyň awgust aýynyň  24-25-i, 27-si we 28-i günlerinde geçirilýär.
Giriş synaglary ähli hünärler boýunça matematika, himiýa, Türkmenistanyň taryhy derslerinden geçirilýär.
Okuw dersleri boýunça giriş synaglary Türkmenistanyň orta mekdepleriniň okuw maksatnamalarynyň esasynda geçirilýär.
Okuw dersleri boýunça giriş synaglary döwlet dilinde dilden geçirilýär.
Giriş synaglarynyň tertibinde bellenen wagtda synaga esassyz sebäplere görä gelip bilmedikler ýa-da dersleriň biri boýunça synagdan geçip bilmedikler soňky synaglara goýberilmeýär.
Giriş synaglaryndan üstünlikli geçen ýagdaýynda, bäsleşiksiz we talyplyga kabul edilmek üçin artykmaç hukukdan «Bilim hakynda» Türkmenistanyň Kanunynyň rejelenen görnüşinde kesgitlenen düzgünlere laýyk gelýänler peýdalanýarlar.

Türkmenistanyň Dokma senagaty ministrliginiň Aşgabat şäherindäki mehanika-tehnologiki orta hünär okuw mekdebiniň salgysy:
Aşgabat şäheri, 2052 (Hydyr Derýaýew) köçe, 4,
tel.: 36-49-20, 36-04-16, 36-18-74, 36-21-67.


30.05.2025 11:22
4.6k+

Bazar Amanow adyndaky çagalar kitaphanasynda obserwatoriýa otagy gurnalar

«Güneşli» çagalar we ýetginjekler merkeziniň çäginde ýerleşdiriljek Türkmenistanyň Bazar Amanow adyndaky Döwlet çagalar kitaphanasynda teleskop arkaly asman giňişligini synlamaga niýetlenen obserwatoriýa otagy gurnalar...

26.05.2025 22:36
6.3k+

Türkmenistanyň ähli mekdeplerinde «Soňky jaň» mynasybetli dabaralar geçirildi

25-nji maýda Türkmenistanda 2024-2025-nji okuw ýylynyň tamamlanmagy mynasybetli baýramçylyk çäreleri geçirildi. Ýurdumyzyň ähli umumybilim berýän orta mekdepleriniň uçurymlary üçin soňky jaň kakyldy. Ir bilen mekdepleriň...

25.05.2025 23:59
10k+

Türkmenistanyň Prezidenti orta mekdepleriň uçurymlaryny we mugallymlaryny «Soňky jaň» bilen gutlady

Prezident Serdar Berdimuhamedow​ Türkmenistanyň orta mekdepleriniň uçurymlaryny, mugallymlaryny we ähli bilim işgärlerini «Soňky jaň» dabarasy bilen gutlady.  "Siz türkmen halkynyň Milli Lideri, Türkmenistanyň...

25.05.2025 19:17
5.9k+

Türkmenistanyň ilçisi Belarusdaky türkmen talyplary bilen duşuşdy

21-nji maýda Türkmenistanyň Belarus Respublikasyndaky ilçihanasynyň guramagynda Belarus döwlet lukmançylyk uniwersitetinde Türkmenistanyň ilçisi N.Şagulýew bilen ýurduň ýokary okuw mekdeplerinde bilim alýan türkmen talyplarynyň arasynda duşuşyk geçirildi...