«Türkmenistan» awiakompaniýasynyň Russiýadaky Baş agentligi «WKontakte» sosial ulgamynda resmi sahypasynda Moskwadan Aşgabada uçuşlarynyň ählisiniň Kazanyň howa menziline geçirilendigini habar berdi. Ýolagçylaryň Kazana bökdençsiz barmagyny üpjün etmek üçin Domodedowo howa menzilinden Kazana çenli mugt awtobus gatnawy ýola goýuldy.
1-nji awgustda amala aşyrylmaly gatnaw bir gün yza süýşürildi. «Türkmenistan» awiakompaniýasy ýolagçylara howa menziline ir gelmegi haýyş edýär.
«2023-nji ýylyň 1-nji awgustynda uçýan Т5704 Moskwa-Aşgabat gatnawynyň hormatly ýolagçylary!
Siziň gatnawyňyz 2-nji awgusta Kazan şäherine geçirildi. Kazana sizi Domodedowo howa menzilinden şäherara awtobusy äkider. Howa menziline 19:30-da gelmegiňizi haýyş edýäris.
Şeýle hem şu hepdedäki howa gatnawlarynyň ählisi üçin Domodedowo howa menzilinden Kazana awtobus gatnawlary guralar.
- T5726 / 2023-nji ýylyň 2-nji awgusty
- T5724/ 2023-nji ýylyň 4-nji awgusty
- Т5706/ 2023-nji ýylyň 5-nji awgusty
Howa menziline awiabiletleriňizde görkezilen uçuş wagtyndan 3 sagat öň gelmegiňizi haýyş edýäris» diýlip habarda aýdylýar.
TmCars-yň öň habar berşi ýaly, «Türkmenistan» awiakompaniýasy 2023-nji ýylyň 1-nji awgustyndan başlap, «Türkmenhowaýollary» tarapyndan amala aşyrylýan Aşgabat — Moskwa — Aşgabat ugry boýunça yzygiderli gatnawlaryň togtadylýandygyny habar berdi. Russiýa uçuşlar Aşgabat — Kazan — Aşgabat ugry boýunça ýerine ýetiriler.
