Russiýanyň Hökümetiniň Başlygynyň orunbasary Alekseý Owerçuk we Türkmenistanyň daşary işler ministri Raşid Meredow telefon arkaly söhbetdeşliginde iki ýurduň arasynda orta we ýokary bilim hem-de medeniýet ulgamlarynda hyzmatdaşlyk meselelerini maslahatlaşdy. Bu barada TASS agentligi RF-niň Hökümetiniň Telegram kanalyna salgylanyp habar berýär.
Habarda bellenilişi ýaly, Türkmenistan bilen RF-niň Ykdysady hyzmatdaşlyk boýunça Hökümetara toparynyň başlyklary bu ulgamlarda özara gatnaşyklaryň ileri tutulýan meselelerini maslahatlaşdylar. Bu ugurlarda taraplar baý tejribe topladylar, şeýle hem ýakyn geljek üçin täze meýilnamalar bellenildi.
Şolaryň hatarynda — Aşgabatda bilelikdäki türkmen-russiýa uniwersitetini döretmek, şeýle hem geljekde Russiýanyň öňdebaryjy ýokary okuw mekdepleriniň Türkmenistanda şahamçalaryny açmak bellenildi.
