Bütindünýä Meteorologiýa Guramasynyň web sahypasynda çap edilen maglumata görä, iýul aýynyň ilkinji üç hepdesi rekord derejedäki iň yssy üç hepde boldy.
“Biz aýyň ahyrlaryna garaşyp oturmaly däl <...>. 2023-nji ýylyň iýuly ähli görkezijiler boýunça rekord goýar "-diýip, BMG-nyň Baş sekretary Antoniu Guterriş aýtdy.
“Şu gün ýaýradylan maglumatlara görä, iýul aýynda taryhda iň yssy üç hepdelik döwür; rekord derejedäki iň yssy üç gün; we ýylyň şu pasly üçin ummanda iň ýokary temperature boldy" diýip, BMG-nyň Baş sekretary sözüni dowam etdi.
Onuň pikiriçe, Demirgazyk Amerikanyň, Aziýanyň, Afrikanyň we Ýewropanyň giň giden sebitleri üçin bu tomus rehimsiz boldy. “Bu tutuş planetamyz üçin betbagtçylyk. Alymlar muňa, gürrüňsiz, adamlaryň günäkärdigini äşgär edýärler"-diýip Guterriş sözüni tamamlady.
Şeýle hem, bu maglumatlaryň alymlaryň çaklamalaryna we duýduryşlaryna doly laýyk gelýändigini, ýekeje garaşylmadyk zat: howanyň üýtgemeginiň tizligi diýip belläp geçdi.
2021-nji ýylda ABŞ-nyň Milli umman we atmosfera barlaglary müdirligi iýul aýynda 142 ýylyň meteorologiki gözegçilikleriniň dowamyndaky global temperaturanyň rekord derejä ýetendigini habar berdi.
Müdirligiň berýän habaryna görä, şol aýda Ýer üstüniň we ummanyň umumy temperaturasy XX asyryň 15,8 gradus bolan ortaça görkezijisinden 0,93 dereje ýokary boldy. 2021-nji ýylyň iýulynda temperatura 2016-njy ýyldaky öňki rekorddan 0,01 dereje ýokary boldy.
