Türkmenistan Saud Arabystany Patyşalygynyň Er-Riýad şäherinde şu ýylyň sentýabr aýynda geçiriljek «Foodeх Saudi» atly Х halkara söwda sergisine gatnaşmak boýunça degişli işleri alyp barýar.
Şeýle hem ýurdumyzyň 2023-nji ýylyň 2-nji oktýabry — 2024-nji ýylyň 28-nji marty aralygynda tebigy serişdeleri we daşky gurşawy goramak, çölleşmäniň öňüni almak, suw serişdelerini tygşytlamak, gaýtadan dikeldilýän energiýa çeşmeleri, «ýaşyl» şäher bilen bagly meselelere bagyşlanan «EKSPO — 2023 Doha» halkara sergisine gatnaşmagy meýilleşdirilýär. Mundan başga-da, Türkmenistan «EKSPO — 2025» Bütindünýä sergisine gatnaşmaga hem taýýarlyk görýär.
Bu barada anna güni geçirilen Ministrler Kabinetiniň mejlisinde wise-premýer B.Atdaýew hasabat berdi.
